“Олон улсын тээврийн салбарын эргэн тойронд”

Боомтыг түгжрэлээс үүдэн 2,3 сая TEU түгжигдэв.

Дэлхийн контейнер тээврийн салбарын хуваарийн найдвартай байдал эрс муудаж, хөлөг онгоцны саатал нэмэгдсэнээр ойролцоогоор 2.3 сая TEU-ийн тээврийн хүчин чадал бодитоор ашиглагдах боломжгүй болсон байна. Sea-Intelligence-ийн Global Liner Performance судалгаагаар 2026 оны долдугаар сард контейнер хөлөг онгоцнуудын ердөө 56.4% нь хуваарийн дагуу ирсэн нь 2025 оны хоёрдугаар сараас хойших хамгийн муу үзүүлэлт болжээ. Хоцролтын дундаж хугацаа мөн зургаан хоногоос давсан байна. Үүний улмаас дэлхийн контейнерийн флотын 6.6% буюу 2.3 сая TEU орчим хүчин чадал тодорхой хугацаанд зах зээлд ашиглагдах боломжгүй болжээ. Цар тахлын өмнөх үед энэ үзүүлэлт ердөө 2.2% орчим байсан юм. Одоогийн саатлын гол шалтгаан нь Азийн томоохон боомтуудын ачаалал болон цаг агаарын нөхцөлтэй холбоотой байна. Ялангуяа Шанхай, Нинбо зэрэг боомтуудад түгжрэл нэмэгдсэн бол Бразилийн Сантос боомтод мөн хүндрэл ажиглагджээ. Гэхдээ шинжээчдийн үзэж байгаагаар энэ нь дэлхийн хэмжээнд өргөн хүрээтэй боомтын хямрал болсон гэсэн үг биш. Түгжрэл тодорхой бүс нутагт төвлөрч байгаа бөгөөд зарим тохиолдолд ачааг өөр хөлөг, үйлчилгээний шугам эсвэл тээвэрлэгч рүү шилжүүлэх замаар нөлөөллийг бууруулах боломжтой. Sea-Intelligence-ийн тооцоолсноор боомтын түгжрэлийг өмнөх түвшинд буцаахад хэдэн сар шаардагдаж болзошгүй байна. Азура - Амьдралыг дөтлөнө.